X
تبلیغات
گلشن راز ادبي
شعر هاي ناب
 

 

                         اچيرام صحبتيمي

 

آچــــــيــــرام صحــبتيمي چرخه فلك قويماسادا

 

 

جــانيمه تــشــنه اولان چــرخــه فلك دويماسادا

 

 

قوجا قصصاب گئليب ات درينــي ســويماسادا

 

 

                             دييه جه م فلسفه چون بير بئله لجبازي ندور

 

بيرســـــي عشقيله چالور ال اياقي رققاص اولوب

 

 

بيرسي غم بوقچاسيني الده توتوب رنگي سولوب

 

 

بيرسي دونيا ماتاهين ريشه سيني چوكلو يولوب

 

 

                         سويله اي چوكلو بيلن بو اويونون رازي ندور

 

گوروره م بينوانين حلقه سيني يـــوكدو چالان

 

 

گئديب احوالي ايچون صحبتيني يوكدو سالان

 

 

هاممي هر ياندا دئييريوكدو بو دونيادا قالان

 

 

                           پس دئنه ن سنده كي بو هيكل تن نازي ندور

 

بيرســـــــي اهل و عيالا ايل باشي بيگانه اولوب

 

 

بيرســــــي اوز ائولرينه هر زمان دردانه اولوب

 

 

بيرسي مست اولماق اوچون راهييه ميخانه اولوب

 

 

                          ده گوروم پس بو گوشون بير بئله پروازي ندور

 

 

اوكي عاشيق كوچه سينده اوزوگولمور او منم

 

 

هاردا وار غملي نـــفــر مـــنــده اونـا هموطنم

 

 

ووروشان شادليقينان هر گونو من تن به تــنم

 

 

                         سنه نفرين اولا دنيا مـــن ايچــون بــازي ندور

 

بيرسي پوللو پارالي هرياني خوشلوقدا گئزير

 

 

بيرسي نامرددي جهاندا كاسيبي چوكلو ازير

 

 

بيرسي توي توتماغينا اوزاوباسين نازلي بئزير

 

 

                            يوسوف مجبوردو يازا شاعيرين آوازي ندور

 

+ نوشته شده در  یکشنبه بیست و نهم بهمن 1385ساعت 12:43  توسط يوسف پور عظيم شوطي | 
 

 

        ياشا ياشا آنا يوردوم سن ياشا

 

 سنــده گـــوزه ل من جئكيدديم ايللري

 

سينـن اوســتـه داراخــلاديـم تـئـللري

 

من سووارديــم سن ساخلادين گوللري

 

                                ياشا ياشا آنا يوردوم سن ياشا

 

اوزاق دوشسه م گئجه گوندوزآغلارام

 

قوللاريمي سينم اوســتـه بـــاغلارام

 

غربت دئييب هر اوره گي داغـــلارام

 

                             ياشا ياشا آنا يوردوم سن ياشا

 

آنــا يــوردوم مــكتـبينده دبيـره م

 

اوشاقلاران سوزلريــمي سپـيـره م

 

هر طــره فـن دانــيشيمي اچـيـره م

 

                             ياشا ياشا آنا يوردوم سن ياشا

 

دونيا بــويــو سـن منيم سن وطنيم

 

توپراقيندا قــالار آديـم بـــدنــيم

 

شاعر اوغــلـون دييه ر سنه چمنيم

 

                       ياشا ياشا آنا يوردوم سن ياشا

 

قلم يازير گونده آدين شهرتــيـن

 

هر مكاندا سالير سنين صحبتيــن

 

بوغدا آرپا قاوون قارپيزنعمتيـن

 

                        ياشا ياشا آنا يوردوم سن ياشا

 

آنا يوردوم قوجاغيندا ياشيــرام

 

ايللر بويو اوجاغيندا يــاشيــرام

 

داغلاريندا بولاغيندا يــاشـيرام

 

                     ياشا ياشا آنا يوردوم سن ياشا

 

گئجه گوندوز هئي سني من گئزيره م

 

آيـاقــيمنـان سيـنه وي مـن ائزيره م

 

من اوعلونام يوردوم دئييـب بئـزيره م

 

                         ياشا ياشا آنا يوردوم سن ياشا

 

اوشاقييديم ياشاديم اولــدوم جاوان

 

ائتگينده او‍خودوم اولــدوم انسـان

 

چيكاتمارام ياددان سني هيچ زامان

 

                        ياشا ياشا آنا يوردوم سن ياشا

 

ايللر بويو ســن ساخلاديــن آنامي

 

قارداشيمي ســـن باجيمي آتــامي

 

اولوب گئدسه م ساخلاجينان بالامي

 

                      ياشا ياشا آنا يوردوم سن ياشا

 

                                                      یوسف پورعظیم شوطی 

 

 

+ نوشته شده در  جمعه بیست و هفتم بهمن 1385ساعت 22:19  توسط يوسف پور عظيم شوطي | 
 

 

عزيــزلريـــم گوزل گول تك آنادي

 

قــــــدرين بيلن داليسيندا دوعادي

 

سايمــــييانين باشي تمام بلا د ي

 

                   آنديچــــــريخ درد ايكينده آدينا

 

           بير ده ولله سودونده كي دادين

 تورك اوغلانلارآنا ساچي آغاردي

 

قـــــارا تلي جوانليقدان بوزاردي

 

امما اورك دولــــو اوشاقا باردي

 

            قوربان اولوم آغارميش آو ساچلاران

 

           زولفـــــون ده كي نا له لي او تارلاران

 

اوشاقـــلارا يـانــان انسان آنــــادي

 

محبتده ن اوره گي قــــــــان آنادي

 

گوزه ل انسان هر بير زمان آنادي

 

               بــــاشيـــــن ايدي تمام جنت آنايا

 

               قــــــــــرآندادي جنت حكمت آنايا

 

ائل اوشاقي مــــحبت لر قوجاقي

 

گوزلرينده تمام حســــــرت اوجاقي

 

دولو السون پوخجا تاخجا بوجاقي

 

              آنا آنا هاممـــــــــي دئسين ياشاسين

 

              بو مارالي هاممي سئوسين ياشاسين

 

يوسوف شاعير انا اوركلر سوزو

 

بهشت نـــــــــــدير آنا بهشتين اوزو

 

يوخوسوزدان تارلاندي ايشيق گوزو

 

            آنـــــا گئـــــدسه ائو چيراقي سونجق

 

           روزگــــــــــارين محــــــــبتي دونجق 

 

آذر اوغـــــلو حلال السون چورگين

 

اميد باغدا آنا آدلـــــــي چيـــــچگين

 

شادليق گورسون آنا آددا اورگــــين

 

                  گوزو ياشلي آنا داغلار اورگي

 

                   آنا اولسه لاخلار آئوين ديرگي

 

تورك اوغلانلار آنا گولو آتيلماز

 

آنا گولون ناز گولداني ساتيلماز

 

آنا آدي هيـــــــچ آددارا قاتيلماز

 

           كيمسه يوكدور درده درمان ايلسين

 

           آنـــــام گلسين درمان يامان ايلسين

 

آذريـــلــر اوپ آنــانيــــن الـلــرين

 

ياده سالين شكـــر سوزلو ديللرين

 

باخ آنايا نه يئكــــددي گــــوللرين

 

             جـــــنت قـــالــــدي آنا آياقيندا باخ

 

              باشارديخجا خيرآغاجين اونا تاخ

 

آنالارين مـــزار اوسته گــــوز ياشي

 

آغلاماخدان آغ اولدي ساچي قاشي

 

آنا كسمز هــــــــــاوارين ايلر باشي

 

                  نه گون گوردي آنا جهاندا يارب

 

                 اسير اولدي درده زماندا يارب

 

آی قارداشیم دوشمه اوزاق آنادان

 

ناسيل اولار يــــــوللار آززاق آنادان

 

باش اوجالار مطلــــب ياززاق آنادان

 

               ديل ازبري باشلار تاجي آنادير

 

               قوجا وقتي ناز محتاجي آنادير

 

 

آتـــا آنــــا عمــور بـــويو جـــان دئدي

 

زندگي ده فـــــــلك اونـــــــا يان دئدي

 

بير ده ولله اوشاقا قوربـــــــــان دئدي

 

        بـــــــو عشقينه كيمسه نه ايش گوروبدي

 

       بير گون دوروب آغ ساچلارين هوروبدي

 

 قارداشلاريم يوخسوز قالان گئجه لر

 

گول اولدولار پوكولموش او غنچه لر

 

قانات تاپدي اوشــــــدي تمام بئچه لر

 

               عـــــزيز آنا بئله گونلر ساويبدي

 

              ايلده  گونده  غم آنامي قاويبدي

 

اي انسانلار زمـــانــه بـئل پوكوبدي

 

اييلماساق آنــــا يورددان چوكوبدي

 

هر زاديني بيزــلر اوچون توكوبدي

 

            غــــــــــافل اولما بئله فداكارليقا

 

            گوز تيكمييين پولا بيرده وارليقا 

 

اي عزيزلر غـــربت يــولون آچمييين

 

ناز آناني بودرديــــنن ســـــاچميييين

 

تك بير قويوب كناريننان قاچــــمييين

 

              كيمسه عزيز آنا كيمين گلميييب

 

             درديمـــــيزي آنا كيمين بيلميييب

 

باجي قارداش اينـــــان آنا عزيزدي

 

اگر دوستوم روحون قلبين تميزدي

 

گئد بير باش وور نييه آنا مريضدي

 

           بـــاغـــريندا سن آنا بالا يئكددين

 

           بلالاردان سن قورودون ديكددين

 

اي قارداشيــم درد زمـــاني پنـاهين

 

اي واي آنا بيرده اي واي اللاهين

 

دردسيز زمان اولماسين اشتباهين

 

             يامان وقته چون آناني چاغيردين

 

             يئره گويه پـــــاك آناني باغيردين

 

تورك اوشاقــي محـــــبتلي اولمالي

 

اومود ائوين سن قاپيسين چالمالي

 

آنا گوروب الين اوپــــــوپ قالمالي

 

               اي عزيزيم دنيا محدود دنيادي

 

               بـــودنيادا آنا گوزل دور نادي

 

آنا يوردوم تــورپــــاقدا بير آنادير

 

فلك لعنت قوناقـــــدا بــــير آنادير

 

يوسف اويان داياقدا بيـــــر آنادير

 

               قدرين بيلن انساندي بير وللاهي

 

                بـــو دنيادا اوزاق ائديب گناهي

 

اي انسانلار قـــارقيــش كيمسه اولماسين

 

بير آنانيين يارب رنــــــــــگي سولماسين

 

غم اولماسين آنا ساچين يولـــــــــــماسين

 

               محـــــــبتين بـــــار آغاجي آنادير

 

               زندگيــــــنين پــــاك آماجي آنادير

 

 عزيزلريم آنـــــا لاريز ســـاغ اولسون

 

هر طرفي پاك اوباســـــي باغ اولسون

 

قول قاناتلي ريشه لي بير تاغ اولسون

 

         گوز اوستونده آنا اوباسين سالسين

 

         گويلو موزا تمام دوعاسين سالسين

 

 اي انسانــلار قارقيــــش وقتي گئچيبدي

 

گوزل آنا غــــم غــــــــــصه ني پيچيبدي

 

شادليق اولسون آنا خوش گون تيچيبدي

 

                    گــــوزل آنا مارال آنا قوربانام

 

                   وجــــودوننان بودونيادا انسانام

 

يوسوف شاعير قالسين سننن ديوانين

 

الفاظيله دولو الــــــسون هريـــــانين

 

سوزلر دئسين سازين تارين كمـــــانين

 

          سنده بير گون بو دنيادان كوچسسن

 

          اولوم آدلي اولان شربــــت ايچسسن

  | 

 

 

 

 

+ نوشته شده در  پنجشنبه بیست و ششم بهمن 1385ساعت 23:17  توسط يوسف پور عظيم شوطي | 
 

  

 

                 قورتارين مني

 

 

سيخيلديم بوغولــدوم غـــم درياسيننان قورتارين مني

 

 

                 وطـــن عــشقيـننن ديل ماجراسيننان قورتارين مني

 

 

آغاردي ساچــلاريــم هـــجـــران يـــولــونــدا پوتون

 

 

                  درد ايكـينده اوره ك يــاراســيـننان قورتارين مني 

 

 

تــوپـــراقــي مــزاريــم.آدي آنـام ســويلـنيـبد یــرمنه

 

 

                 ياوخونلاشين منيله وطن بلاسيننان قورتارين مني

 

 

واريمدي شكايت ياپوشون اليمنن.هاوارلاشين باهم

 

 

                 بير ليق اولسون آيريليق نماسيننان قورتارين مني

 

 

كباب اولدوم يانديم. تكليق اوئدوندا روحيله هر گون

 

 

                  اَ ل اَله وئر.يـابـانجـي هاواسيننان قورتارين مني

 

 

آخــان بــولاقلاري ليللنديـرديلر چـشــمه بـاشيندا

 

 

                 آغ اولسون اوزوز اوزو قاراسيننان قورتارين مني

 

 

قلملر اويناسين شــرف الــفـاظيــندا بارماقلاردا

 

 

                  يـازيـن دئييلسين اوزگه صداسيننان قورتارين مني

 

 

توكولسه ده قان حق يولونداشرف باده سيدي بيل

 

 

                   تاپين باده لر مئي سيز عزاسيننان قورتارين مني

 

 

مستليق عــالمــي يــوسـف حياتيدي عـرفـانـيله

 

 

                   خبر تاپ ساقيده ن .بي وفا سيننان قورتارين مني

 

                               ش/ يوسف پورعظيم شوطي

 

+ نوشته شده در  چهارشنبه بیست و پنجم بهمن 1385ساعت 22:47  توسط يوسف پور عظيم شوطي | 
 

 

             يازميشام

ني سازيننان ناله ده ن روحلارنگارين يازميشام

                        

                            عشق وعاشقله اولان هر روزگاريــن يازميشام

 

قافله گئتمَزمـــگـر عــارف اشــاره ائتمـه سه

                       

                          ايندي كي گئتميش اولوب منده نثارين يازميشام

 

داغ كيمين سن بير صلابت استوارلــيق مسـلكي

 

                        گوگلو تابشلي اولان شكر ائت وقارين يازميشام

 

دنيا حسرت صفحه سي ياز خاطره اصلان كيمين

 

                         ائـل هامي تا آنناسين چون من ديارين يازميشام

 

قامتي دردلر پوكوپ شكـلينده قـامـت گورسدير

 

                        ظولم اليننن يانموسان دردلر مــدارين يـازميشام

 

باشي اَيمه ظالمه خـنجـر الـيـنـده اويـنـانــــير

 

                         بيرليقين درسين اوخو دارو نـداريـن يــازميشام

 

بو كــويره عشقيده بـاخ سـن سـرآبـيـن مـكرينه

 

                      اول اوياق تام اينديده ن من ماندگارين يازميشام

 

عشق بــازارينده يار اول گول خريداري گوزه ل

 

                        خنده وور عــاشقلره اي گول با هارين يازميشام

 

من اوره ك وئــرديـم سنه جاني فدا ائتديم گئنه

 

                         بــو هدايـامـه گوره سنده ن شكارين يازميشام

 

ديل ياراسي چوك كئتين افسوس بوحاله سالميسان

 

                         گئد يانيمنان سن داهــي دنـيا مزارين يازميشام

 

فرهادي شيرين دلي ديــوانـه ائـتدي داغ داشـا

 

                       ياردي داشلار آخري داغـلاردا زارين يازميشام

 

يوسفين از بس نهادي حرمــتيـله گـول آچيب

 

                         گول چيچك الموش باهارين نامدارين يازميشام

 

                                                            یوسف پورعظیم شوطی

+ نوشته شده در  سه شنبه بیست و چهارم بهمن 1385ساعت 0:15  توسط يوسف پور عظيم شوطي | 
 

 

 

           غيرت دامارين دانيشدير

 

سنين بــاخــيشيندا ئوره ك سوزو هويدا دَ ئيير

                

                   آپارميش مجــلسلـرده اصلن بــاده پـيـدا دَئيير

 

نه اومود نه پيام نه گول نه چيچك نه ده شعور

 

                   ســـالـيـبسـان ظـولمته داهي وقته تماشا دَئيير

 

غصصه دير حياتيميز پـــريشانــديـر احوالات

 

                    بلا بازاريـنـدا عشقــمـين دردي تـنـهـا دَئيير 

 

يازيلار كلام بو پروانــه لــر ســكـوتــوندا

 

                     گـــول آشــنالــيقــينا بـولبولر همصدا دَئيير 

 

تا جهــان دولــوآشوبيله بلوائيــله وارديــر

 

                    موجولو طوفاندا گردش مكاني دريـــا دَئيير

 

روحـلار صداقتي هجران نداسين حُكمينده دير

 

                     يانديق بو بي وفاليقدان وفاسيز صــفــا دَئيير

 

اَريدي داغلار باشيندا قار گونَشله گوردوقجه

 

                     بيــزلر بــو جفـائيله گـولدوخ مگر عزا دَئيير

 

نه ديليله يازيم پوزوم اينانديريم سوزومــده

 

                      مـگـرمنده كي بو تورك ديلي منه آنــادَئيير

 

سارالا سارالا حياتيده ن اُ لـوم بــيـزه خوش 

 

                      غيرت دامارين دانيشدير اوتانماق بوردادَئيير

 

يوسفين قلمي آهلار خسته سي اُ لـدو اينـان

 

                     عُمرو بئله ساوماغينان اِئل اوچـون نـدا دَئيير

 

                                                  پورعظيم شوطي

 

+ نوشته شده در  شنبه بیست و یکم بهمن 1385ساعت 20:16  توسط يوسف پور عظيم شوطي | 
 

   

                             آغلاتدي چوك

درديمين هر ناله سي بيگانه ني آغلاتدي چوك

                       اعتبارين دفــتري هــمخانه نـي آغلـاتدي چوك

آيريليق داستانيني يازدي فـــلك پــــاك بختيمه

                       خاموش الموش شمعيميزپروانه ني آغلاتدي چوك

منده بـيـر انسان كيــمين درده نگــاره آغلارام

                         امما بو حال و هوام ديوانه ني آغلاتـــدي چوك

بولبوله م ايندي كويرده بـــير تــــرانه حسرتي

                          آختاران گونلوم تمام فرزانه ني آغلاتدي چوك

عشقيمي من سويلديم هجران يازان افكارلارا

                          بو درين بير ناله لي هر ناله ني آغلاتدي چوك

من فغان ائتديم گوره ن وقتن او هجران دفترين

                        سطريده هر بير كلام مستانه ني آغلاتدي چوك

من فلكده ن راضي اولمام هيچ زمان اي دلبريم

                       چون فلك ظالم صفت مردانه ني آغلاتدي چوك

باده لر قالدي تمام ميخانه ده مي سيز  پوتون

                          عارفين هر ديده سي پيمانه ني آغلاتدي چوك

مجلس اولدو تام عزا عرفانيله سوز قوشدولار

                        بي رياليق ساقي تك دردانه ني آغلاتدي چوك

يوسفين تورك نغمه سي ني له نوالي نازلاشار

                         غم نواسي هر زمان همسايه ني آغلاتدي چوك

 

+ نوشته شده در  پنجشنبه نوزدهم بهمن 1385ساعت 16:13  توسط يوسف پور عظيم شوطي | 
 

  

 

 

             آخری انساندی گئدیر

 

نظرين سال ماراليم باخ بئله دوراندي گئدير

 

                   يئر اوزونده ياشايان هامميسي ميهماندي گئدير

 

بير درين سال نظري عارف آچان سوزلره سن

 

                 يئر قـــــالير يــــورد قـــالير آخري انساندي گئدير

 

موج ائديب چرخ فلك شان و مقام مات اولور

 

                  تاج و تخت سلطنتي ســــاخليان سلطاندي گئدير

 

دوزلوغو ائت مرامين رمزه حياتينده گوزه ل

 

                   ايكي اوزلو ياشايــان خالـصن شــيطانـدي گئدير

 

قدم آت خيره طرف ايل به ايلي ياش ساويشير

 

                 آنالار آغـــلادان بوچرخ فـــلــك جـــانــدي گئدير

 

قالمادي كس بو جهان توپراقينا هديه ايچون

 

                   عشق و عاشق ياشييان توپراقا جاناندي گئدير

 

سنده اي تورك اوغولو گئتمه لي سن آخري بيل

 

                    شاد ياشا ائل دييجخ بو شاعر مرجاندي گئدير

 

گوزووون  نورونو سن بيت لره ائتدين عطا

 

                  اومـــودوم وار دئييلر صاحــبـه ديواندي گئدير

 

چوك بلاگوردون هرحال اي ماراليم آغلاما چوك

 

           تورك اوغوللار يازاجاق يوسف غزل خواندي گئدير

 

مزارين باش داشينا يازماليسان تورك ديلينه

 

                ايل بــويويازقي يازان شعرينه عطشاندي گئدير

 

اوره گي داغلي اولان گوزياشيني توكمه ليلر

 

               قـولــو قـولتوقـداقالان هــر زمان نالاندي گئدير

 

 

 

 

+ نوشته شده در  سه شنبه هفدهم بهمن 1385ساعت 23:34  توسط يوسف پور عظيم شوطي | 
 

ساغ اولسون

دوست دوسـتا اگروئردي سلام گوگلو ساغ اولسون

 

                 دورانه حــياتينده پــــوتــــون كيفي چاغ اولسون

 

ســــوزلر يازارام دفــــتريــمه دوســـلارا خـــاطــير

            

               دوست اهلينين اطرافي گوزل شانلي باغ اولسون

 

دوســــت قـــدري بيلينميش اولار بيل زور زامانيندا

 

              الده ن ياپوشان دوسلاريميز تام اوز آغ اولسون

 

دوست دوستــو آتـــامـمازاوزاق اولــسا ديـــياريندان

 

               يازقــــي وئريـلر يازقـــي اگـر بير وراغ اولسون

 

حسرت كئچــــيريق دونيادا دوست ال اله وئرسين

 

               غربتده هـــرآن تلفني بــير بــاش داياغ اولسون

 

عـــمـــروم ســاووشــــور اودلانـيراحواليم حياتدا

 

                دوستا خــبرين وئر منه بير پاك بولاغ اولسون

 

عشــق اهــليــنه خـــوشدور باخا دائم قاپوسونا

 

               بير دوستو گئليب بير گئجه نازلي قوناغ اولسون

 

سن شوطدوداداش دوستا عجب احترامين وار

 

            هيچ فرق ائلمز دوستون اگر چوخ اوزاغ اولسون

 

اشعــاريله دولـــدور يــازيلان ديــواني جانلي

 

             آرزومــدو  هر آن ديـــوانين مـينلر پوتاغ اولسون

 

 

 

+ نوشته شده در  یکشنبه پانزدهم بهمن 1385ساعت 21:58  توسط يوسف پور عظيم شوطي | 
 

    

                        داش بولاق

 

 

گـــوزلليــق دفــترين آچيب الفاظيله داش بولاق

         

            داغيديب هريانا تورك آغاجي هرآن گوزه ل يارپاق

 

قارانليق وئرير معناسين الده ن تورك ائليمه باخ

 

           گورسنورظولــمــت داغيدان آددي شانلي پاك شاواق

 

ائليمه يئتيرين خبرآنا ديليمنن وطنيمنن هر زمان

 

          قـــلم آلسينلار يــازسينــلار اولســونلار  ائلــه دايــاق

 

 داش بولاق يازيبدي اوخويانلار اوخوسون هر گون

 

          تانيسين الفـــاظلاري اولسونــلار داهــي چوك اوياق

 

داش بولاق آعــيرماسين الـين قلـمين يـاز ائـليــمه

 

         گــولسـون ائلــيمين اوزو گورمــويـئق داهي قاشقاباق

 

آچميشيق ائل سوزون اوره كده ن وئرين گئلنلر

 

          اشعــاريله اولـــور يـاووق بـونلان بـــئله هر اوزاق

 

دانه دانه گول پيچيب ييغاخ ديوانلارا  گوزه ل

 

          يوللوياق تورك ائلينه بوردان هر گون طاباق طاباق

 

سنده اي شوطدوداداش آچ محبت سوفره سين پاك

 

         اولار بير گــون گئلر داش بــولاق اولارسنه  قوناق

 

        

                                             يوسف پور عظيم شوطي (شوطدودادا

+ نوشته شده در  جمعه سیزدهم بهمن 1385ساعت 22:4  توسط يوسف پور عظيم شوطي | 
 

 

            شكايت ائتملي

عجب يانديم بو دنيادا منه سن ســال نـظر ياران

 

                   شكايت ائتملي اولدوم بو ديواننان باخين جـــانان

 

سينبديرحرمتين عارف گئدين باده تاپين هرحال

  

                  اولوبدور با ريا ساقي  تمام ساقي سيزه  قــوربان 

 

مگر ديوان سنه شاعـــر قلمله وئرميييب عززت

 

                   نئيه خاطر بو احوالات الـــــوب تا ايندييه كتمان

 

ايكي اوزلو الان انسان قلم آلدي اولوب كـــاتب

 

             ائديب ناحققي چون حقـلرتوتوپ افــــكاريمي عصيان

 

قيافه ان اصيل ائتميش مني تا چون خجيل ائتسين

 

               بئله بيگانه خاص الموش يازين ائتدي مـــني گريان

 

ا ئليم توتسون مني هرآن بوآواره زمــــــانيمدا

 

                     به وللاهي اولوب يكسر بودنياميز منــه زندان

 

ائدير سجده ايكي اوزلو اويــــانمير بير حياتيندا

 

                 بو جاهدا بو مقاملاردا نهايت گورمـــوشم انسان

 

سنه شوطدو داداش نعلــــت قلمنن وئر اثر دائم

 

        عموربيتدي گئديرهرحال شرفدن صحبت ائت هــــرآن

 

بير الده وار ايكي قارپوزدوشور الده ن حيا ائتمير

 

        دانيشيرفقرو مظــــلومنــــان گــئتييير آيــــه يه قـــرآن  

 

بو احوالـــــــدا قلم آغلا ر بو حاليمده منه خاطر

 

          گئجه لر مونسي الدوم آي اولـــدوزلار الوب حيران

 

خدايا قووزاديم اللرمراديمنان خــــبردارسان

 

          عذابيننان مـــني قــــورتار نهـــايت دردلره درمان

 

 

+ نوشته شده در  چهارشنبه یازدهم بهمن 1385ساعت 22:8  توسط يوسف پور عظيم شوطي | 
 

 

               قايا قيزي

 

قايا قيزي داش ماكـــونون تورك قيزي

حيران ائدير تورك سوزونده باخ بيزي

شوطدوداداش يــــــاد ائلدي باخ سيزي

                   ياشا ياشا توركون قيزي سن ياشا

                   گــــونلريوي شادليقينان وئر باشا

قايا قـــــــيزي تــــورك ائلينين قاياسي

تورك اوشاقـــــين واردي سنه دعاسي

قلملرنن نورلــــو اولســــــون اوباسي

               توركون قــــيزي قلم الدن دوشمسين

               آدين قالسين بير آن ديلدن دوشمسين

قايا قــــــيزي داش ماكـــوده ن غربتده

آمما آدي بـــــــو مـــــاكوده صحـــبتده

عمور بــــويـــو قالــــميياســـان ذللتده

                توركون قيزي قلم سننن خوش يازار

               نامرد اولان بوديــــــــواننان تئز آزار

قايا قــــــــــــيزي بير طــرفده بازرگان

كيشميش تپه-يــــــولاگــــلدي- چالدران

شوط شهرينن شوطدوداداش سوزيازان

             بــــونلاريـــــدا يـــازديــــم قالا ديوانا

             بلكه سننن ســوزلــــر يئته هر يـــاتــا

قايا قيـــــزي قزبعــــلي وار شير باشي

بو ايراندا مشهوردو مــــاكو داشــــــي

هيچ كس آتماز بوماكــــوده يولداشــــي

              توركون قيزي داغين داشين وار السون

              آغيري داغـــين باشي بوردا قار السون

قايا قـــــيزي ســـرداريــن كاخي موزه

داش مـــــاكــوده ايــندي گليبدير گوزه

اي كاش اولا گئلك بير گون اوز اوزه

              خاطره لر ديــــوان ســــوزو سوزلنه

              ياوخونلوقدا مطلب سوزلــــر ايــزلنه

قايا قــــــيزي سنــــگرده فرهاد دامـــي

ياخچي تانيراونو مــــاكـــــوده هـــامي

 بير گون اولار قوناق اولارسان شامي

            ائل اوشاقي سوزلر بحثيـــن آچاللار

            قانات تاپيب تورك ديلينـــده اوچاللار

قايا قـــــــيزي اطـــــــرافينده هنـــدوار

بير باغچاجوق بيرده هاسون مانـــدگار

قره تپه-خــــلـــج-بـــلجـــك يـــــادگـار

           اطرافينــــدا گوزه ل كئدده ر آدلانير

           بو وبلاگدا يـــوردون يووان يادلانير

قايا قـــــيزي شوطدوداداش قارداشيز

بوديوانــــــــنان بو سوز سنه پاداشيز

ساغ سلامت السون هر آن يولداشيز

         توركون قيزي توركون ديلي هرياندا

         دنيا بويو آديــــن يازديــــم ديــــواندا

 

                      

 

+ نوشته شده در  دوشنبه نهم بهمن 1385ساعت 18:39  توسط يوسف پور عظيم شوطي | 
 

 

                 سولدو گلستان اي وطن

 

باغبان گئتدي عجب ســـــولدو گلستان اي وطن

جه جهيننن دوشدولر بولبـــول؛پريشان اي وطن

                                      سولدو گلستان اي وطن

اي مدينه اي وطن نام و وقـــــاريم سنده دير

شكر اولا وار عزتيم صبرو قراريم سنده دير

خنجره باش اًيمره م دارو نداريــــم سنده دير

كربلا دشتي حسينه اولدو زنــــدان اي وطن

                                      سولدو گلستان اي وطن

بولبوله يئتسين خبراي بولبولوم حــــيرانيوام

كربلاده جان وئره ن انسان سنه قوربــانيوام

سويلدي عطشان حسين اي زينبيم ميهمانيوام

 اُ گونو قالدي عجب اوردا اُ ميهمان اي وطن

                                     سولدو گلستان اي وطن

دوشمنون ظولمو اُ گون طوفانلي طغيان ائيلدي

حق اولان پاك سوزلري دوشمنلر كتمان ائيلدي

باخ حسين اوز جانيني اهدايه قرآن ائيلــــــــدي

ائيلدي سيراب چولو اٌ گونده پاك قان اي وطـن

                                     سولدو گلستان اي وطن

پاك توكولموش قانلاريزدينه قويوبدوچــوك اثـــر

يازدي باخ شوطدوداداش اٌكربـــلادن مخـــــتصر

ايستميشدي محو ائده دين عزتين شمر سربه سر

قالدي چوللرده حسين باخ بيرجه عريان اي وطن

                                    سولدو گلستان اي وطن

نينوا دشتي بلالي اولدو هر انسانـــــلارا

مطلبي قانلا يازيلدي هر گونو ديوانلارا

اهله بيته انبياده باخجينان پيمــــــــانلارا

وئرديلر 72 قوربانليق احسان اي وطن

                                  سولدو گلستان اي وطن

 

          الهام از شعر معجز شبستري            شوطدوداداش

 

+ نوشته شده در  دوشنبه نهم بهمن 1385ساعت 3:41  توسط يوسف پور عظيم شوطي | 
 

 

              آزاجاق

     من اگر ناله ائده م ناله لريم سوز يازاجاق

                      قطره قطره بوآخان گوزياشيم داشلار قازاجاق

    نه قده ر صبحه قده رمن بئله بيدار قاليم

                       قلـــم آغليرماراليم يازديقيم يوللار آزاجاق

   كاروان گئدملي يوللاردا دوروب گئدمق ايچون

                    نوبتين يــوك نشاني درهم وبرهم سوزاجاق

     زندگي آيینه سين پاك گلك ائتمليييق

                   اول مواظب گوزليم فكرائيله اوزگه جيزاجاق

   نفسه شيطاني اگرگورسه سني پاك هدف

                       يعقين ائت تاپسايولي پاكليقيواتئزقيزاجاق

    اگر احوال بئله شوطدوداداش نزديك اولا

                او زمان شوطدوداداش سوزلري آرام سيزاجاق

    قلمين ناله سيني سال اوره گه مقصده گئت

                    بي خيال السان اگر الفاظي شيطان پوزاجاق

    عاشقين سوزلري بند اولماليدي معشوقونا

                  قووشا بلكه اورك يوخساما عاشق ميزاجاق

   ليلي مجنون آدينا جاني عطا وئردي گوزل

                 شوبهه ائتمه ماراليم اوزگلر بوردان ويزاجاق

    ال اوزادكهمه الين منده نوا سوزلري چوك

                  نه بلا گرسه بيلين دلداريم محكم دوزاجاق

           

 

      

 

 

 

+ نوشته شده در  دوشنبه نهم بهمن 1385ساعت 1:26  توسط يوسف پور عظيم شوطي | 
 

اي اهله ادب

اي اهله ادب سن منــــــي بيگانه يه ساتما

بيگانه آچان مطـــــلبه ســـن تـئز مني آتما

من شاعرم اهله ادبه وار نــــــظريم خوش

قوربانين اولوم بي هـــنره ســن مني قاتما

اهله ادبين نورو ايشيق درسينـــي آچميش

محتاجه بو درسيق گوزليم لحظـه ده باتما

شاعر گئجه ني روحونا بير دنيـــــا بيليبدي

سن شاعره شعرآتماليسان بير گئجه ياتما

گر دريادا سن موجه مني قاتمـــــالي السان

من سوئيلمرم هيچ سنه بير آرزوواچاتما

سننن ائشيديب اهله قلم وقتي غنـــــــــيمت

               آمين دئييرم وقتوچون ســــــن وقتي يوباتما

عارف قانار هـــــر اهـــله ادبـــده نده اشاره

              سن قيصصا سوزو آچ منه سوزلرده اوزاتما

من شوطدوداداش ناله لي گونلر ده گئچيدديم

               رنگيم ساراليب بئل پوكولوب سنده بوياتما

           

 

      

 

+ نوشته شده در  یکشنبه هشتم بهمن 1385ساعت 0:31  توسط يوسف پور عظيم شوطي | 
 

     

                    بسم الله

 

 

بسم الله الــــــرًٍٍحمانينن باشلار هامي كلامي

               سالاللار يادلارا پــــيامبري امــــامــــي

اي غفلتده قالان اويان باخ گئجه يه گوندوزه

         قولاق آسين حق عالملري ديين باشقا سوزه

ختم الوب پيامبرليق خاتم الانبيائينن

            رســـــول النبينن محــــمده مـــصطــفائينن

امام علي دور ايكينجي حسن اوچونجو حسين

        دوردونجو امام سجاددور يا كي زين العابدين

بئشينجي محمده باقر بعدا جعفره صادق

       ديــن يـولوندا هامميسي الوبلار بيزلره ناطق

يئدينجي موسي كاظم دورسججيز امام ه رضا

       خراسان مكانينده وه ره رمريـــض لره شـفا

دوققوزونجومحمد تقي اون علي النقي

      اون بيرينجي چيراق چيراقه حسن عسكري

اون ايكينجي ايشيق امام ه حاضره جهاندور

      اياق ه قـــوزان آدي صاحــــــــبه زمان دور

آديميز شيعهدور مسلمان چيراقي تاباندور

     اوخويان شوطدوداداش هر گون كتابه قرآندور

+ نوشته شده در  جمعه ششم بهمن 1385ساعت 2:1  توسط يوسف پور عظيم شوطي | 
 

        

                    ديليم توركدي

 

ديليم توركدي ديليمنن باخ گوزل پاك شهرتيم واردي

جهاندان گر ســـــوال ائتسن بوديلده ن غيرتيم واردي

آنام توركون ديليننن چوك دانيشدي چون ازل منده ن

نهايت ايندي هريــــــاندا بو ديلده ن صحبتيم واردي

منه واجب اولوب يــــاران اولام صحبت اولان ديلنن

دانيشام يارو يولداشلــــا بــو ديلده ن نسبتيم واردي

سويا من سودئديم هرآن سو سوزوقتينده سوايچسم

حقارت تاپمارام هر آن ديليـــــمـــــنن ثروتيم واردي

يازالللار قبريمين اوسته هر آن ســـــــوزلر آنا ديلده

ايتيلمز قبريمين داشي بوديــــــــــلده ملتــــيم واردي

منم شاعر آنا ديلده آديم آدلانـــــــدي شــــــــــــعريله

دولوبدور ديوانيم كامل بو ديـــــــلدن شوكتيم واردي

غلام شهريارم بيل پوتون الــــــــهام آلـــــيب ديوان

سلاميم وار بو ديواننان او يــــــاره رحمــيم واردي

بو ديلنن من غزلخوانم بو توپراقدا ياشا تـــــوركوم

عزيز اولدوم آنا ديلده  بو ديلنن عصــــمتيم واردي

آدين شوطدوداداشدي باخ ندن ديلدن سوزون يوخدي

بونا خاطر قلم آلديم يـــــــــازام تـــــــا حرمتيم واردي

 

 

+ نوشته شده در  جمعه ششم بهمن 1385ساعت 1:53  توسط يوسف پور عظيم شوطي | 
 

                 آذربايجان

 

آنا وطن يوردوم يووام آذربايجان

              آدين آددي آدان السون بوجان قربان

كمالاتدا باشا باشسان سلام السون

             داغين گولدو باغين باردي بهارستان

قلم يازسا يازار غيرت داماريسان

              صفان واردي جلالينن وارين انسان

منم اوعلون شعاريمدي سنه دائم

        صداقت وار آتيلمازسان سن هــيچ بيرآن

باسيبسان باغريوا دائم محببتله

      اوره كده يئر ساليبسان سن عجـــب جانان

ائديم سجده اُ توپراقن نزاكتله

        آلـــــــيم الهام حياتيله نگـــــــاريــــمسان

سوزوم سوزدي بوجان قربان اُتوپراقن

          وئريب قربان سنه جانين اَ ستتارخـــان

داغين داشين جواهرتك آليب افكار

           صدف دور ساخلانيب دائم منه مرجان

منم شوطدو داداش آددا قلم يازسا

           ايناننام كي قلم دائـــــم الار گــــــريان

 

 

+ نوشته شده در  جمعه ششم بهمن 1385ساعت 1:48  توسط يوسف پور عظيم شوطي | 

                     پيغمبر آغلار

                      حسينين شرحينه پیغمبر آغلار

           بئشيكده آلتـــــي آيليق اصــــغر آغلار

                    يازاندا شهريار دلريش سوزوننن

            او گوننن ديواني بـــــــاخ يكــسر آغلار

                   حسينين غم سراسين هر كس آچسا

          داش الموش هر اوره ك هر كافر آغلار

                   كسنده باش او گون شمره حياسيز

         بير آن باخسا گوره ر قان خنــجر آغلار

                    با خاندا زينبه عطشان حسين جان

          ملائك انس و جن تامــــحــــــشر آغلار

                    يازارديم نوحه لر منده حسينه

          لبي عطشان سوزونـــده دفـــــتر آغلار

                    كسيلدي حنجره شمرون اليينن

          شهادت كلمه سينده مـــنبــــــــر آغل

                  دوشوبدور باخ بدن عريان قوم اوسته

          كفن سيز حاله مالـــــك اشتــــــر آغلار

                   يازار شوطدوداداش دشته نواده ن

                                     چون او دشته تمام لال و كـــــر آغلار

+ نوشته شده در  پنجشنبه پنجم بهمن 1385ساعت 1:57  توسط يوسف پور عظيم شوطي | 

                        عطشان حسين

قتلگاه عشقيده جانلار وئرير قربان حسين

          جان ندور الدن وئرير يئتميش ايكي ياران حسين

عشق معبوده حقيقت دير بلادان قورخو يوخ

          كودكـــه 6 ماهه ده ن پاك ائيليييب احسان حسين

قوللاري نهرين كنـــــــاريندا عطا ائتدي سقا

     امما افسوس جان  وئرير ميداندا چون عطشان حسين

كربلا دشته بلا دير   نيـــــــنوا دا نـــــــــاله گـــاه       

         خــــنجر آلتيندا عجب جانلار وئير پاك قان حسين

آيه هل من ناصره ينصر لييه كـــــــيمده ن جواب

          اولـــــمادي اكبر جوان آلدي بير آن فرمان حسين

گيردي ميدانه الينده خنـــــــــجري مولاسي چون

          كسدي بـــــــاشلار تا تلاوت ائيلسين  قرآن حسين

وئردي جان شوقيله اكــبر قتلـــــــــــــگاه عشقيده

          پاك و پاكيزه جــــــــوان اوز قانيله غلطان حسين

سيلدي زهرا گوزده كي قان تك آخان گوز ياشلارين

          دشمني شاد اولماسين بـــــــو حاليده بيرآن حسين

 زينبي ده باخدي حــــــــــسرتله او قانلي ميدانا

        چون بيليردي كربــــــلا دشتينده دي ميهمان حسين

باجي قارداش آشديلار سر سـوزلري پاك خيمه ده

         خيمه گاه اولدي بير آن پـــــاك زينبه زندان حسين

هي ربابي سس ســـاليردي اي بابا گئتمه اوزاق

         بــــــير بئله احواليله هاممي دئيير اي جان حسين

آخرين احوالــــينه كـــــرببـــــــــــلا دا آغلادي

          او زمــــــاننان ايندييه اولدي هامي گريان حسين

ظلمتين يوخ جايگاهي گر منور گورسنه

          گون هميـــــــــــــشه دائما وقتينددير تابان حسين

سنده اي شوطدوداداش غــــــفلت ده قالما دنيادا

         ياز قلمله كربلاده اولــــــــدو چوك طوفان حسين

+ نوشته شده در  سه شنبه سوم بهمن 1385ساعت 23:57  توسط يوسف پور عظيم شوطي | 

 

خدايا ماه ماه محرم است پيروان حسين وامت اسلام ودردمندان در چنين روزي محتاج حاجات ودنبال

درمان درد ها مي گردند وما نيز خالي از آن نيستيم  الهي اين بار تو را از ته دل وبا صداي بلند ودر

كنار شكسته دلان با ناله هاي سوزناك دل ُ تورا به آن جا هاي مقدس وبه آن ناله هاي بزرگان ومظلومان و

سوخته دلان پروانگان كربلا سوگند خواهيم داد گرچه از همه چيز آگاهي ولي من قسم خواهم داد تا در اين روز  عاشورايي به حاجات ما انسانها نظري انداخته شود 

 

 

1 خداياسني آند وئريريق كربلاده جنت قاپسين آچان شهيدلره

2خدايا سني آند وئريريق قانلي كربلايه زينبين يئتيشن ساعتينه

3 خدايا سني آند وئريريق شام غريباندا يانان شمعيلره پناه اولانلارا

4خدايا سني آند وئريريق خيمه ده يول گوٌزليرن بالاجا بير قيزا

5خدايا سني آند وئريريق تشنه سو كنارينده دوران سقاي كربلايه

6خدايا سني آند وئريريق بالاجا قبريده ياتان علي اصغره

7خداياسني آند وئريريق زهرانين اُجان قارداش ديين سوزلرينه

8 خدايا سني آند وئريريق حسين وزينبين آراسيندا اولان گيزلين سوزلَره  

9خدايا سني آند وئريق شام غريباندا زينبين كناريندا عزايه دورانلارا

10 خدايا سني آند وئريريق اولين نوحه خوان كربلا زينب خانم

11 خدايا سني آند وئريريق كربلادا حضرت زهرانين نگران حاللارينا

12خدايا سني آند وئريريق ابولفظلين خيميه يئتيشن ناله سينه

13 حدايا سني آند وئريريق ابولفظلين تشنه جان مشكي دولدوران اللرينه

14خدايا سني آند وئريريق زينبين حسين نعشيني قوجاقا آلان حالينا

15 خدايا سني آند وئريريق كربلادا ياتان علم لره

16 خدايا سني آند وئريريق كربلادا اسير اولان انسانلارا

17 خدايا سني آند وئريريق علي اكبر حسيني آغلادان جمالينه

18 خدايا سني آند وئريريق حسينين قرآن كربلاده تلاوت ائليين زمانينه

19 خدايا سني آند وئريريق جبرائيلين حسين نعشينه سايه سالان كمالينه

20 خدايا سني آند وئريريق زينبين خيمه ده روضه دئييب آغلادان سوزلرينه

21 خدايا سني آند وئريريق حسين ٍربابي زينبه تاپشوران حالينا

22خدايا سني آند وئريريق آخرين نفس حسينه دشت كربلاده

23 خدايا سني آند وئريريق زينبَ حسين تاپشوران بالالارا

24 خدايا سني آند وئريريق رقيه نين آغلايا آغلايا بابايه ديين دردلرينه

25 خدايا سني آند وئريريق رقيه نين بابا بابا چاغيران كلمه لرينه

26 خدايا سني آند وئريريق رقيه نين نيسگيل چئكن گونلرينه

27 خدايا سني آند وئريريق گهواره ده شش ماهه علي اصغر احوالاتينا

28 خدايا سني آند وئريريق كربلا علمدارين داده يئتيرن آدينا

29 خدايا سني آند وئريريق زينبين قارداش گورن قلبينه

30 خدايا سني آند وئريريق حسينين حنجره سن خنجر آلتيندا كسيلن زمانينه

31 خدايا سني آند وئريريق حسينين گوزوننن قاني سيلين زهرايه

32 خدايا سني آند وئريريق زين العابدينين زنداندابيمارجئكيدن گئجه لرينه

 

     نا اميدلري اميدوار – مريضلره شفا – اوره گي داغليلارا تسكين –

   دخيل دوشنلره اذن دخول-وووووووووووووووووعنايت ائيله

 

                                           يوسف پور عظيم شوطي 2 -11 -85

 

+ نوشته شده در  سه شنبه سوم بهمن 1385ساعت 1:4  توسط يوسف پور عظيم شوطي | 
 

شوطدوداداش كاش من آگاه اولمويام

آگاه الــوب صا حب گناه الــمويـــام

يولو بيليب هــــرآن بيراه الـــــمويام

               زندگانليق معـــــناسيني تــــانييام

                ياخچي پيسي بيربيريننن سينييام

شوطدوداداش مظلوم حققي آلمالي

بوفيكريده دائم گـــــــوزل قالمالي

بو مسلكي هـــــــر انسانا سالمالي

              بلكه انسان دين يولوندا جان وئره

             شاهد اولوب حق يولونا قان وئره

شوطدوداش آج الـــماسين انسانلار

آجليقينان يازيلماسين ديــــــــوانلار

عالم – آگاه انسان وئرسين فرمانلار

              تاكي قران بيزه حاكم ساييلسين

            انسانليقدا هر كس گوزل آييلسين

شوطدوداش گوز ناله ســي الماسين

جوان دردين هيچ نغمه سي الماسين

غافل اولن كس قصه ســـي الماسين

                آتــا آنـــــــا امـــيد آلار گولوننن

               نغمه لي خوش آوازلي بولبولوننن

 

شوطدوداداش يار يولداشلار گئديللر

گوزه باخسان عجب ياشلار گئديللر

قوجا دوروب نازلي ساشلار گئديلر

               

              بئله حالــــدا آت دونيانين ماتاهين

             اوزون تاني چك اوركدن بير آهين

شوطدوداداش باخ انسانلار نه ياشير

فقــــير انسان اليـــــنده باخ نه داشير

يارب فقير –پوللوهاواق قـــــاريشير

               ظلـــم و ستـــم آننيياني ياندييير

              هره بيرين بير سوزوله قانديرير

شوطدوداش دنيا يــــالان تانيندي

بيرده بيلديخ درده سالان تانيندي

زمانيندا جاني آلان تــــــــانيندي

              كيم آييلدي كيم تانيدي بير اوزون

            اينديده باخ كيم دانيشير دوزسوزون شوطدوداداش قدوقامـــت پوكولر

باشلارداكي تمام ساچلار توكولر

هركس واردي بودنيادان چوكولر

 

+ نوشته شده در  یکشنبه یکم بهمن 1385ساعت 3:19  توسط يوسف پور عظيم شوطي | 
 

                 كيملر گلدي كيملر گئدي جهاندا

                مرادلارين هامميسي وار قرآندا

شوطدوداداش غم بوقچاسين آچميياق

ظلم ائتمقه اي عــــــــزيزيم قاچمياق

گولمق اوچون هر فقيــري ساچمياق

              هاممي انسان هاممي جاندي نفسدي

              ولله ايــنان بــــودنيا بــــــير قفسدي

شوطدوداداش دين مظهرين بير تاني

علي-حسن-حسين-سجـــــــادين هاني 

باقر جعفر – موسي-رضا نـــــوراني

            محمد تقي حسن عسگري علي النقي

            صاحـــب الزمان تاني الما بير شقي

شوطدوداداش قرآن سنين كتابين

تانيماسان بيل آلاسسان عـــذابين

سنده تئز اول ايندي جزء توابين

               چونكي ايندي نفس گئدر بير گلمز

             نادان انسان بو سوزلري هيچ بيلمز

شوطدوداداش آتــا بـــابــــا  يوللاندي

بو توپراقدان چوك عزيزلر سالاندي

بعضي لري عجيب غريب آلــلاندي

             

            كيمسه يوكدور بير آنلاشاق دانيشاق

            دين يـــولـــوندا  بيرپرچمه قاويشاق

شوطدوداداش گئچن گونلر ايتديلر

گول يانيندا چوخلو تيـــكان بيتديلر

بوتيكانلار گوله نــــلــر ائـــــتديلر

                    آييلماقين وقتي هاواق يازيليب

                    فيكير ائله بــيزه قبير قازيليب

شوطدوداداش انسان يارانيب انسان

بودنيادا هاممي اولوبدور ميــــهمان

دوزون دانيش كيم بونو ائدر كـتمان

                   گئدملــيسن گئدملــــيسن كئدملي

                   قرآن اوخو –مطيع- دئگينن بلي

 

شوطدوداداش باخ يئر گويده حكمته

رسول الله گئتيرديقــــي عتـــــــرته

بير ده باخيـــن بــــــودنيادا ملــــلته

                  ذلالتـــــلر قــــاپيسيني باغلايين

                 گئچميشلره باخين حزين آغلايين شوطدوداداش قبير اوسته شعـــــارلار

جوان آدلا چوك گورسنير مـــــزارلار

درسين وئرير قيش دا ياغان آق قارلار

 

+ نوشته شده در  یکشنبه یکم بهمن 1385ساعت 3:13  توسط يوسف پور عظيم شوطي | 
 

             هانسي ديلده سوزلر دئييم عزيزيم

             بيرده دوروم دوزلر دئييم عزيزيم

 

شوطــدوداداش قلم مندن آغلييار

دردي آشسام ولله اورك داغلييار

كيملر واردي يارالاري باغلييار

            درد وقتــينده نييه چاغيـــــرسان آنا

            آنا كيمين هيچ كس يوخدور بير يانا 

شوطدوداداش گوزلر ياشي سيلملي

گوزياشلارين بير آن آهين بيلملــي

بي اعتنا هر انسانــــا گـــولمــــلي

             بــــيزلر كيميق دارو ندار كيميندي

            گرچـــــي ولله قول قرار وار ايندي

شوطدوداداش ديــــريـــــــليقده آنناساخ

خلوتده بير اوزوموزو داننــــاســـــــاخ

خروس اولوب خروس كيمين بانناساخ

           انسانلـــيقين هــــر معناسين قاناريخ

           حيوانليقين خصلـــــــــتيني داناريخ

شوطدوداداش ده بيز بيلخ هارالي

اوچان قوشوق ولي امما يارالــي

بونو اگر تئز آنناســــا پــــــارالي

                دنيا اوزو – اوز لذتين وئره جخ

                هم پايلاشيب همده اوزو يئيه جخ

شوطدوداداش گئچميش كتابين اوخو

باخ آنـــــنادين گئچن گونلردي يوخو

باشارديخجا اوزن سوزلر بير توخو

                      

               كـــيم زيانلاركيم منفعت تاپاجاخ

               ثروتلري كيم بير زمان قاپاجاخ

شوطدوداداش ياپيشمارام باش باشا

قارداش توكر گوز ياشيني قارداشا

دنيا ندير ائدسلر اونـــــا پـــــاشــــا

             عموربويو شاهلاردوران سوردولر

             عـــــــزرائيلدن دنيا دادين گوردولر

شوطدوداداش رازو نيــاز عبادت

پاك ياشاماق واجب سوزدو نهايت

داها بسدي سوزوم ائــــــدر كفايت

            نـييه گلديخ نييه گئتديخ سوزون آچ

          بوردان بئله انسان كيمين گوزون آچ

                        

                                 

 

         

 

+ نوشته شده در  یکشنبه یکم بهمن 1385ساعت 2:2  توسط يوسف پور عظيم شوطي | 
 

          شفاعت واريمدي

 

وورما اوخ ماراليم سنه شكايت واريمدي

        بلا گورموشم بلاده ن حكايت واريمدي

فلك آغلاديب گوزوم كور الور آغلاماخدان

      بو روزگاريده نه قدري ذلالت واريمدي

مراديم ديير قصه آچماخ دانيشدير مني

      دانيشدير مني شرفـــيم  نهايت واريمدي

گيجه لر يازديم درديمي آييق قالانلارا

     صبر ايلديم نهايت چون  متانت واريمدي

آغلاسامدا گورمور مني دشمنيم گئجه لر

     بونا خاطرمنيم  گوزل شهامت واريمدي

قالمادي زولفومده بير قارا رنگ حياتيمدا

  يازديم دردلري چون منيم شجاعت واريمدي

آنا باغريندا محبت درسين يازديم قلبه

    فـــــدا الــــوم  آنا عشقه اطا عت واريمدي

مزاريم اوسته كويرمه كول باشيوا آنا

     سننن منه او دنيادا شــــفــاعت واريمدي

 

 

+ نوشته شده در  یکشنبه یکم بهمن 1385ساعت 1:54  توسط يوسف پور عظيم شوطي | 

             وطن

سينه لرده وطــــن آدين يازديرديم

تانيدديرديم دوشمنه قبر قازديرديم

نامردلري بو يوردومنان آزديرديم

                  من وطننن آنا آدين آلميشام

                 آنا دئييپ بو وطنده قالميشام

گرچي توكور ايكي گوزوم گوز ياشي

مــــــــــزاريندا ساخليييبسان قارداشي

من حاضرم گنه وئـــــــــرم بو باشي

            سن وطنسن نامرد الماخ كئتيندي

            حب الوطن شـــــعاريمده متيندي

سه راهيندا آغليييبلار آنــــــالار

جان وئرديلر حادثه ده بـــابـالار

تازه ايندي درد تاپيبلار آغــالار

          جاده لــــريــــن بير انننير يئكلير

         بعضي لري ظاهرده چوك يئكلير

دورد طرفين انواع اقسام تابلودير

مطلبلري دولو پيـــــــــام تابلودير

آخيره كن اونلار تمـــــام تابلودير

         حسرت كهديق بيرسي يئته تا باشا

        تبريك دييخ بيزده بير گون يولداشا

اورتاليقدا سيــلاب سننن دانيشار

داغين سويو اوردا سنه قاووشار

كوسوب گئدن گنه گليب باريشار

       هر كس گئديب بيرده گليب بئل باغلار

       قينامــــــاساخ آشـــــكاردا چوك آغلار

توركون ديلين ســـننن آلديم دانيشديم

سينه ن اوسته چوخلو قالديم دانيشديم

اورگيمه دردلر سالــــــــديم دانيشديم

       وطن شيرين آنا شيرين ديل شيرين

      ياشا ياشا وطن اوچـون ائل شيرين

+ نوشته شده در  یکشنبه یکم بهمن 1385ساعت 1:48  توسط يوسف پور عظيم شوطي | 

يانديم

 

يانديم يارالـــــــي حاليده احواليمه ياران

                            بالاسريمه بـــــــــــيرجه يئتير آيت قـــــــرآن

ديوانه ساييلديم نئجه من محفل و انس ه

                           لازم گـــوروسن ائيله مني عارفه مهـــــــــمان

من ايل بويو شكر ائيلديم چون سجده گاهيمدا

                            بير راوي صفت اول مني سن ائيله بير حيران

من شوطدوداش ناله لي بير انسان الاجام

                           چون حاله يتيم ائيليييب آخـــــــــــر مني گريان

دنيا نه قدر حيله و مكر ديوانين آچميش

                            بير عمر مني ائيليييب آخـــــــر دنياميز زندان

سن اوز ايشيوي ائيله فلك لعنتين السون

                           عالم اوخويوب سنده قــــــــــــلم ائيليير طغيان

غفلتده عمور گئچمه سين ياران بو زماندا

                             غفلت يولونو گورسدير هرآن بيزه شيطان

گئل ائت سوالي قافله يول گئدمليدي خاص

                               دنيا بيزيده آلمالـــــــيدي يولـــــدا شتابان  

+ نوشته شده در  یکشنبه یکم بهمن 1385ساعت 1:25  توسط يوسف پور عظيم شوطي | 

                              خريدار گلجك

 

بيليرم چرخه فلك جانه خريدار گلجك

                                 بير سكوت مسلكينن روحوما ديدار گلجك

مطلبي عارف و زاهد نه قدر ائتدي بيان

                                  مني بي روح ائليييب ليك اوزو بيدار گلجك

گوردوخ اوز دوره ميزده يار و عجب آشنالار

                                   روح گئده ن ساعتي چوك دوسته فداكار گلجك

امما من ايندي پوتون محتاجام هر ياريمه خاص

                                  ايندي سس يوك مزارا دوست وه همكار گلجك

ناله مي قلبيمه تحويل وئريب راز ساخلاديم من

                                               اتفاقا  نفسين محويينه   ستتار گلجك

بندو بند ايزلميشيق رمزه حياتي هاميميز

                                    بسكي تفسير اولونور اعمالين آشكار گلجك

دورجونان شوطدوداش غسل ائله كوچ ائتمقيوه

                                   نمازي ترك ائلمه  اعمال و كردار گلجك   

+ نوشته شده در  یکشنبه یکم بهمن 1385ساعت 1:9  توسط يوسف پور عظيم شوطي | 
 
صفحه نخست
پست الکترونیک
آرشیو
عناوین مطالب وبلاگ
درباره وبلاگ

يوسف پورعظيم شوطي (شوطدوداداش)در شهر شوط از توابع ماكو در استان آذربايجان غربي در سال 1340 در خانواده ي متوسط به دنيا آمده وداراي مدرك فوق ديپلم در رشته ي ادبيات مي باشد وبه عنوان دبير ادبيات با 26 سال سابقه در مدارس آموزش پرورش شوط مشغول به تدريس ميباشد وعلاوه بر دبيري شاعري دلسوز در بين مردم با لقب شوطدوداداش مي باشدوي در رشته ي ادبيات در كارشناسي در مدت 4سال در دانشگاه پيام نور خوي تحصيل كرده كه در آن زمان پس از گذراندن 132واحد به حوادثي ترك تحصيل مي كند كه اين از بدترين خاطرات زندگي اوست غمگین بودن اشعار بیشتر به آن است که برادر چهار سال کوچکتر از خودش که معلمی دلسوز بود در سال 1383 در ساعتی که سال تحویل می شد بدون هیچ مرضی در حالیکه در خوش و بش بودیم سکته ی مغزی می کند وجان به خالق می دهد از این زمان دنیای زندگی را
دنیای پوچ وبیهوده می داند


































نوشته های پیشین
آبان 1392
مرداد 1392
خرداد 1392
اردیبهشت 1392
اسفند 1391
اسفند 1390
تیر 1390
اسفند 1389
آذر 1389
اردیبهشت 1389
اسفند 1388
دی 1388
آبان 1388
خرداد 1388
اردیبهشت 1388
بهمن 1387
دی 1387
تیر 1387
خرداد 1387
فروردین 1387
آذر 1386
مهر 1386
شهریور 1386
مرداد 1386
تیر 1386
خرداد 1386
اردیبهشت 1386
فروردین 1386
اسفند 1385
بهمن 1385
دی 1385
پیوندها
قلم ياز
قايا قيزي
آيدين
آيدا
آي ناز
داش بولاق
وولقان ميانالي
دوراق (آرش ساعي )
سپيده (دختر كوچولو)
امين (ازتبريز)
زهره محمدپور
ايلقار
دنيزلر
امير
ياشيل ياپراق(داوود عباسي)
كريم وبرادرزاده اش ميترا
خوي-آذربايجان
سئودا
اوياق
ائل قيزي
قاسم عليزاده
سوده
تورك مرند
تورك لينك
ساوالان اوشاقلاري
اوراسيون
ليوارجان
پيمان
تورك اوغلي
محمد صفري
پرنسس جوان
علی=بهنام معشوق و عاشق
حدمات فني مهندسي (وتي الله ابراهيمي)
حدمات فني گاز سوز (رامين)
حامد رشيدي
 

 RSS

POWERED BY
BLOGFA.COM