فايداسي يوخدو

هر نه گوء روره م دونيادا من ،فايداسي يوخدو

دونيا نه فيريللاق يئريدي ،  قايداسي يوخدو

باخ بيرسي قوروب عرشه قده ر ، كاخلي بينالار

چوخلودا اجاره نشينين   دونياسي يوخدو

پوللو ماشينين رنگينه  خاطير ، عوض ائيلير

امما كاسيبين بير ايشه ده ، داشقاسي يوخدو

دولتدي سوپر بنزيني توكموش ماشينا ، هي

آمما كاسيبين اششگينين ، آرپاسي يوخدو

دولتدي يئيير گونده كباب ، ياخشي پلولا

قورخام دييجم چوخ كاسيبين شورباسي يوخدو

ايللر بويو چوخ انسانيميز آتلاري چاپدي

هيچ بيلمدي بو دونيانين چوخ  قالماسي يوخدو

پيس الماسين آنجاق دييه جه م مطلبه خاطسر

چوخلار آدامين ائششگينين آرپاسي يوخدو

پوز توتما گوزهل بو فلگين غيضي بير آندي

چرخه فلگين هيچ كسه بير آرخاسي يوخدو

دنياني قوتور موش گوزيله گورملي بير اول

آخرگونو موز قورتولاجاق باشقاسي يوخدو

انسان آدي انسانليقينان مشهور الارميش

حيوان صفتين فايداسي يوخ اورتاسي يوخدو

هرگون دئييلير بير مديله سنده اوله  رسه ن

سوز قان فلكين اوزگه ده بير زيرناسي يوخدو

ایندیکی گوزل وار تپشی سنده کی قلبین

اوچان قوشام حیات ایچنده هر گون

قالدی منده ن گئچن حیات آنناسام

سوز لر دئدیم امما ای کاش سوزومده

نا مرد اولان انسانلاری دانناسام

اصلان کیمین آیاقدا من اوله جم

مرد اوله جم اولومه من گوله جم

آییق اولوب نامردلری بیله جم

اگر ایندی سوزلرده  اصلانناسام

جوانلیقیم گئچدی گئتدی بیر آندا

ایزیم قالدی یاخشی یامان هریاندا

روحوم قالیپ فقط اینان  بو جاندا

گوزه ل اولار گئنه سوزده ن جانناسام

حیات اوزو چوخلو وئریر معناسین

هر طرفده ن آچیخ قویوب آینا سین

قسمت اولان گئلیپ گئلک بویلاسین

من ایناندیم دوزگون اگر اویناسام

گوئلجه ده من گوءره ممیره م گوءلجه نی

آغلار اولوب گئچیدیره م گئجه نی

بولبول دئییب بئزیییبله ر سئرچه نی

 عشق ائده ره م یالانچی یالانناسام

باهار گئلیب

آی گوزه لیم بهار گئلیب یاز گئلیب

عاشیقلارین سینه سینده ساز گئلیب

سو اوستونده کیمغه باخ قاز گئلیب

چال عاشیقلار سازدا بهار بیللنسین

ائل اوبامیز ، شادلیقینان گوللنسین

باهار گئلیب توپراق آلدی نفسی

گوله خاطیر بولبول قیریر قفسی

چول حیوانی سالیر داغدا یاز سسی

گورنه گوزه ل سس داغلاری بورویوب

بارلی چیچک هر باغلاری بورویوب

چول قوشلاری قانات چالیب گئزیللر

قوش قوزولار چول اوتلارین ازیللر

قیز گئلینده ائو اطاقی بئزیللر

باهار قوشو چولده دولان چال قانات

داغدا داشدا یورولدون سن اوردا یات

باش قووزادی سو یانیندا یارپیزلار

ییغیر یارپیز آرواد اوشاق هم قیزلار

شاعیر سوزون ساخلییاجاق کاغیذلار

بو احواللار خاطیره دی باهاردان

چشمه لرده  حیات تاپیر باخ قاردان

قد قد دئییر تویوق یومورتا سالیر

کئند خانیمی دوزگون قاتیقلار چالیر

شهرلیده دوزگون قاتیقلار آلیر

آی باهاریم سئنده گوزه ل نعمت وار

الاهیده ن گوزه لده بیر حکمت وار

یاز هاواسی سئرین ییلاق هاواسی

وللاه یوخدو ، هیچ باهارین بلاسی

طبیعتین اولوپ گوزه ل نماسی

گوزه للیقین درسین باهار وئریبدی

هر طرفه نقش و نگار وئریبدی

سولار آخیر شاقا شاقلی آخلاردان

کهلیک قوشلار قورتولوبدور اوخلاردان

باهار وقتی سوزلر یوخدو ، یوخلاردان

نعمتی چوخ برکتلی سن آیسان

اوچ آی تمام گوزه لیقه سن تایسان

چول سبزیسی چولون گوزه ل رحمتی

باهار کئچیب بو سبزینین زحمتی

چیخین چولده ییغین بوگور نعمتی

داغلار چمن ، توپراق یاشیل ال الوان

یئرده ن چیخان اوتلار هر درده درمان

ا

       عجبا

عجبا اهل ادب جمع الوبدور ناله لی خوش

من کیمم ای گوزه لیم هاممی گوزه ل پایه لی خوش

اذن اگر وئرمیش اولا استاد اولان هر بئیوگوم

منده بیر جمعه اولام جمع ایچون همخانه لی خوش

گئجه له ر مونسی یه ام کیمسه یوکوم جز الاهیم

ولی امما دئیه رمََ سن دولان پیمانه لی خوش

آغلاماخدان نه دئییم دویموش اولان من دَئییره م

گوزیاشیم گئچمیش اولار لحظه ده مین دانه لی خوش

سارالیب سولموش اولان , درد الینده ن من ساییلان

ولی هاممی کاش اولا مثله باهار لاله لی خوش

من قلمله عمورو ساومالییام هر گونومو

سنده بیر سوز پناهی گئل منه سن سایه لی خوش

مکتبیم عشقه الهی , حیاتیم علمیم ایچون

علمیله کاش اولا هرکس بلکه سرمایه لی خوش

قارا پـــــــــــــــرچم وورولوپ هريانا بو آيدا تمام

قانه غلطان چون الوب چونكي حسين تك بير امام

 بيز حسين شيعه سيييك؛توتاريخ بيزده عزا

آغلييب ياش توكه ره يك ؛ سسله ريخ وا كربلا

كربــــــلا درس  شهادت ؛وئريب  اوؤز اوممتينه

نيــــــــــــــنوا نهضتينده ؛باخ بير  حسين غيرتينه

زينبين تليده باخ ؛غــــــــيرتينه ؛ صحـــــــــــبتينه  

بيز حسين شيعه سيييك؛توتاريخ بيزده عزا

آغلييب ياش توكه ريك ؛ سسله ريخ وا كربلا

درس دينداري ايچون ؛ مكتب عشق آشدي حسين

 شمره زينب پيامــــــي ؛ زينبه قارداشدي حسين

سنين پاك اممتينيخ ؛گـــــوزلريميز ياشدي حسين

بيز حسين شيعه سيييك؛توتاريخ بيزده عزا

آغلييب ياش توكه ريك ؛ سسله ريخ وا كربلا

آغليياق سيـــــنه ووراخ ؛ بونلار  ارادت نشاني

قلبيده ن گئل قاباغا ؛اينـــــــــدي عزادار زماني

دعا ائت ؛ گوز ياشي توك؛ ائيله بير آه و فغاني

بيز حسين شيعه سيييك؛توتاريخ بيزده عزا

آغلييب ياش توكه ريك ؛ سسله ريخ وا كربلا

بو محــــــــرم آيي پاك ؛ ماهه عزادير هامييا

يئر اوزون هر يئري باخ كــــــرببلادير هامييا

كربــــــلا محشري باخ ؛ نذر و شفا دير هامييا

بيز حسين شيعه سيييك؛توتاريخ بيزده عزا

آغلييب ياش توكه ريك ؛ سسله ريخ وا كربلا

هره بير عشقينن باخ ؛ واي حسين واي دئيير

هره گيزلينده  اولان  ؛دردينــــي بو آي دئيير

هره بير حاليده باخ ؛آغليييب هاي هاي دئيير

 بيز حسين شيعه سيييك؛توتاريخ بيزده عزا

آغلييب ياش توكه ريك ؛ سسله ريخ وا كربلا

اي معلم

مكتبلرده محصلين سوزوسن

اوشاقلارين ال آياقي اؤزوســـن

دنيا سؤزون معناسيسان گؤزوسن

                                    سلام السون سنه ظلمت چيراغي

سنن آلار حق سؤزلري آدامــــلار

يئرده ن گؤيده ن گلر سنه سلاملار

بير ده سنه چؤكلو گلر پيامـــــلار

                                   سلام السون سنه حكمت چيراغي

آشنادي اللره خؤش صحـبـتـــيــن

علميده ن سن نثار ا ئد ن شهرتيـــن

هر حق سؤزه گتير ديغين حججتيـن

                                  سلام السون سنه حجت چيراغي

زمزمينن الفباني اؤركــتـتـيـــــن

هُججه اينن سن خداني اؤركـتتين

اوشاقلارا آب باباني اؤركـتـتـيــن

                                  سلام السون سنه مكتب  چيراغي

ظولمتده چؤك سن مللته يانارسان

دئييلميين سؤزلري خؤش قانارســـــان

پيس ياخچيني گؤزه ل گؤزه ل سينارسان

                                  سلام السون سنه رحمت چيراغي

اولدوزتكين گؤيده گؤزه ل يانانسان

معره فتده علميده سن تابان ســـان

ارشاديندا هر كسه خوش بيان سـان

                                  سلام السون سنه ملت چيراغي

معرفتين علمين آدين اوجاتــدين

انسانلارا بو عشقي سن ياراتديـن

نيّتينده  گؤزه ل اؤنا سن چاتدين

                                سلام السون سنه سيرت چيراغي

 علميـــــــــــده هم ادبده سن درياسان

عالِم اولان يئرله رده سن  پيداســـان

گلستاندا سن بلبله شـــــــــــــــيدا سـان

                               سلام السون سنه غيرت چيراغي

انسانلارا وه رميسن سن سعـادت

اؤرگديبسن اؤركده ن سن عبـــادت

عبادت هم شهامت هم شهــادت

                               سلام السون سنه عزّت چيراغي

آرتيريبسان انسانداكي عززتـــي

عززتينن محو ايديبسن ذللتـــي

اوجالديبسان اددي سانلي مللتي

                                   سلام السؤن سنه امّت چيراغي

هرقدمن هر ان ثواب يازيلـــلار

هر سؤالا سننن جواب يازيلـلار

خير و شره ثواب عذاب يازيللار

                                   سلام السون سنه نعمت چيراغي

دين سؤزونو هر آن گؤزه ل بيلير سن

آغلييانين  گؤز ياشيني سيليـــر سن

چؤك انسانين سن دادينه گليــر سن

                                  سلام السون سنه شفقت چيراغي

سن اوشاقا حكيم تكين درمان ســان

آددي سانلي خاطره لي نشان ســــان

ييغيلميش خؤش صحبتيله ديوان سان

                                  سلام السون سنه جنّت چيراغي

 قارانليقدا سن بير ايشيق چيــراغ سان

طبيعتده گول چيجچكلي بير باغ سان

هر بلانين قاباغيندا دايـاغ ســــــان

                                سلام السون سنه  همّت چيراغي

 سن بير گولسن مكتبلرده گولرســن

دنيا سؤزون دوزلريني الـــرســــن

حق سؤزلري هر ياندا سن چيلرسن

                                    سلام السون سنه حرمت چيراغي

حسين دور

 حسين، روح شجاعت، گفتـــــــــــــــاريندا

علي الحــــــــــــق تابع عشق كــــــــرداريندا

خدا نـــــــــــــي گورموش اُ قلبين يو لويلا

شهادت له دوروب حق ديــــــــــــــــــداريندا

حســـــــــــــــــين دور درس آزادي، حيات

پيامين وئــــــــــــــرميش اُ ، اوز اقراريندا

حسين عين علـــــــــــــــــــــي يا اينكه قرآن

حسن بير رمز حـــــــــــق ، حق پنداريندا

حسين الگـــــــــــــــــــــو تانميش بير الاهي

الاهي مسلكين ، حـــــــــــــــــــــق رفتاريندا

حسين دور بيــــــــر ايشيق ظلمت داغيدسين

جهالت ده ن اويان هر مقــــــــــــــــــداريندا

جهان ايندي تمام ســـــــــــــــــرگشته حيران

قاليبدير وللاهي عشق اســــــــــــــــراريندا

حياتين هم وئـــــــــــــــــــرير هم هر پناهين

بـــــــــــــــــــــــوگور آزادي الدو پرگاريندا

حسين بيــــــــــــــزلر ايچون جانين وئريبدي

سن هاردا باخ من هـــــــــــــاردا ،دينداريندا

 نبرده دعـــــــــــــــــوت ائتميش گـــر اولوبدور

خدايي چـــــــــــــــــــوخ پيام وار احضاريندا

نه عـــــــــــــــــجزي وار نه ناله حق  يولوندا

 چــــــــــــــــــــراغ عشق يانير دين اخباريندا

چـــــــــــــــــــــــــــراغ عشق الهي گر الونسا

بوگــــــــــــــــــور الموش قالار، استمراريندا

شهادت آيناسين يوســـــــــــــــــــــــــف تانيدير 

اوزون گــــــــــــــــــــــور آيندا هر تكراريندا

مست اولان وقتيده پيمـــــــانه ياديمنان چيـخدي

             جانيمين قصــــدينه بيـــــگانه ياديمــنان چيـــخدي  

 اوقده ر آتشه ظلم يانـــديريــــــبدور اوره گــي

             شمع يانان حاليده پروانــه ياديـــمنــان چـــيخــدي

قصده جان نكته كمال آتشي تغـــــــيير جمــــال 

              دئمــــلي درديــــمي جانـــانه ياديـــمنان چيــــخدي

 نئجه بابلار قاپيسين باغلييريــــم دــلداريـچون

           غصه ده ن تام دئلي ديوانـــــه ياديــــمنان چيـــخدي

قارا زولفون تارينا شانه بير ان چكمغ ايچون

            فيكره دوشــــــدوم او قده ر شا نـــه ياديمنان چيخدي

 مسلكيم پاكدي گذر ائت بورادان ساعــت لر

              تكليقه دوشموشم همخانه يادـــــيمنـــان چــــيخــدي

 لطف ائله ناله مه بير  سن منه  چاره لي سن 

قارداش دالين كمكي

آتا آنا ديركي

او قارداش اوينو ياجاخ

گوزونده يوخ عينكي

محبت ياددان كئتمز

بو ايز بو يولدا ايتمز

بورا قارداش تويودو

قارداش اصلا ناز ائتمز

خمير گلك آجييا

پايلار توتون باجييا

آتا زحمت چوخ چئكيب

اويون گئلدي حاجييا

دردلر دردي آتا دي

اونا  درمان آنادي

بونلاري اوينادماغا

اژدر عمو هاوادي

ماكو داغي او جادي

سجاد آدي سوجا دي

آتا بوردا اويناسا

هيچ كس دئمز قوجادي

آنا يا تاي تاپيلماز

اوره كده ن هيچ آتيلماز

دنياني دا وئرسه لر

آنا اونا ساتيلماز

قيمتي چوخ آنانين

عزتي چوخ آنانين

اللاهدان وار عزتي

منتي يوخ آنانين

بير ميوه ميز هولودي

تويچو توي بولبولودي

 تويو گولوستان سايساخ

باجي تويون گولودي